وصلني التاج ده من
الاخت اجدع بنوته
والاخت الجواز و سنينه
اولا
====
اكتب عشر اشياء عن نفسك
اسمي ممممممم دكتور بهدوء الغرض م الاسم اني بحب اعمل كل حاجه ف منتهي الهدوء
ف اصعب كليه ف الوجود او زي ما بيقولوا كليه الدحيحه
الشكل مقبول وحسن المظهر مقبول يعني .....ابن ناس يعني
اكتر ناس بحبهم بعد ربنا وسيدنا محمد طبعا
ماما وبابا واخواتي واصحابي بحبهم جدا و خلينا صريحين برضه......دكتور بهدوء
بحب دكتور بهدوء لانه حد يستاهل اني احبه( م وجهه نظري)
بحب اديه حقه
بهتم بمصلحته
بفكر بعقلي اكتر يعني العاطفه شيء تكميلي عندي بس العقل الاساس
هواياتي القرايه والكتابه والرسم
مممممم ساعات بحب الموزازاكره وقت الامتحانات تحديدا (غصب عني)
بحب الكليه مووووووت ولو رجع الزمن هدخلها تاني وتالت ورابع
مش لاقي نفسي ف حته غيرها
راضي عن نفسي علي الاقل دلوقتي جدا
اجتماعي اه بس مش شاطر ف التعبير عن ده
متردد شويه عشان ماغلطش بحب اخد اراء ناس كتير
اما بتوجع من حد مش بنسي بسهوله
كده قاسي؟؟؟؟؟
ممممممم وجهات نظر
دول كام حاجه ماعديتش
بس خلصت كده
ثانيا
====
اوجه التاج لخمسه تانيين
الاخ د نوبل مدونه حكاوي القهاوي
العزيزين الجعر وابو رمانه مدونه ابص
الاخت مفقوعه مرارتي من حماتي
الاخت فيس موون
الاخوات السته بتوع صيدله خاصه بريك وسخسوختي
ابلغ صاحب التاج اني نزلته
يااااااااااااااااااااااااااسمييييييييييييين
الجواز وسنييييييييييييييييينه
التاج هنا اهو
نزلته
هناك 44 تعليقًا:
طب يااخويااااااااااا
ماتوطى صوتك شويه وانت بتنده
الشارع كله صحى وعرف انك نزلت التاج
دايما بهدوء يااجمد هدوء
انا كمان الصوت وصل لغايه عندى جيت جرى اشوف مين اللى بينده
امال فين الهدوء و الشارع كله صحى
بس بجد اجابات هايده و ربنا يوفقك يارب و تنجح بأمتياز بس ابقى ادينى المرتبه علشان عايزها لسرير العيال
فعلا عندهم حق ...فين الهدوء اللى انت بتقول عليه ده.....
بص يادكتور اسمحلى اعلق على حاجه بعد اذنك
انا حبيت كام حاجه و مش عاوزاهم يعدو
اولا كون انك بتحب تعمل كل حاجه بهدوء...ياريت كل الشباب يبقوا زيك لان فى الغالب مع الهدوء بيكون الاتقان..فياريت الناس كلها تتقن عملها و تعمله بهدوء
ساعات الهدوء يدل على حاجات تانيه مالناش دعوه بيها
ثانيا...كون انك تحب نفسك...ديه حاجه جميله برضه..على اساس انك متبع حب لأخيك ما تحب لنفسك
ثالثا...حبك لكلييتك ...ده اجمل حاجه ..لانك فى الآخر سوف تعمل ما تحب....وبما انك سوف تعمل ماتحب فمش هيهمك بقى الحاجات التانيه الجانيه
الفلوس بقى و الفزيتا ..وكده يعنى ....برمى انا على بعيد مش كده؟
ربنا يوفقك و تبقى اكبر دكتور....مقاما و ليس سناً
ازيك يا دكتور
واضح انك ماكانش ينفع تكون غير دكتور اجابتك واضحة ومختصرة ومركزة
عارف انا كان نفسي قوي ابقي بعرف ارسم حاولت كتير لكن في الأخر سلمت انه موهبة وانا مفتقدها وقولت اركز في موهبتي واحاول ارسم بالكلمات
تحياتي ليك ودمت بكل الخير
ثانية كده بس يا دكتور بهدوء ....
أيوة
اليمين .....
ممممممم
طب الشمال ....
طيب الحمد لله أطمن
عينيا الحمد لله و الله مش مقورة و لا مقعرة
انا خوفت لاحسدك
بسم الله ما شاء الله انسان محترم و تفكيره راقي جداً من وجهة نظري
و على فكرة انا أنبسطت قوي لما لقيتك بتقول أنك بتحب نفسك و تبدي اعجباك بيك
ده مش عيب على فكرة لو الواحد فكر في الموضوع
مش من المفروض ان الواحد يزم في نفسه علشان يبقى انسان طبيعي
ربنا يبارك فيك يا رب
و يبعد عنك عين الناس
عاجبانى قوى صراحتك
وانك بتحب دكتور بهدوء
ماحدش بيقول انه بيحب نفسه فى الزمن ده
اما افراط فى التواضع... او افراط فى عدم تقدير النفس
ربنا يخليلك كل حبايبك
يتشرف جروب السته بتوع صيدله
بدعوه حضرتكم على حفل افتتاح بلوجهم الكريم :)
اممممممممممم
وماله يا دكتورنا
بمنتهي الهدوء
انت شخص جميل
وعجبني تعبيرك اوي انك بتحب دكتور بهدوء
محتاجين كلنا نحب نفسنا ولو شويه
تحياتي ليك :)
-------------------------
جميع البلوجات مغلقه عدا (مجرد مشاعر) امتحانات بقي :)
ربنا يوفقك و ينجحك و نفسي اعرف زاي تقدر تفضل هادي يبقي انت اكيد اكيد مش في مصر :)
إجاباتك واضحة وصريحة متتحملشى رأيين .. لأ دكتور دكتور يعنى مش أى كلام
بس أنا أول مرة أشوف واحد فى كلية طب وبيحب الكلية وبيحب المذاكرة كمان.. فيه حد أصلا بيحب المذاكرة تيجى إزاى دى .. ده أنا كليتى يا دوب 4 سنين ومش عارفة أحب المذاكرة ثانية واحدة
على العموم ربنا معاك ويوفقك ويمنع عنك عيون الحساد اللى زى حالاتى
هههههههههه
اجابات مختصرة وجميلة مفيهاش رغي كتير..
أنا معرفتي بيك مش عميقة لدرجة اني اعرف الحاجات دي
كويس اني قريهتها في البوست عندك
لكن الواضح فعلا انك دكتور بهدووووء
تحياتي
ردودك جميله بس هاديه
:)
و بعدين ليك حق تحب الكليه لان انا اصلا كنت هموت و ادخلها و غيرت رأيى فى الآخر عشان طويله حبتين او سبع حبات :)
و من ساعتها كل ما أشوف "جرايز اناتومى" أبقى هاعيط
عموما ربنا يخليك على انك بعتلنا التاج ده
احنا الصراحة عندنا كميه تاجات متأخرة علينا بالعبييييط
بس ان شاء الله هننزلهم
تحياتى
تاج جميل واجابات صريحة وتحياتى لك
جمييييل اوى هدووءك دة نفسى اعرف ابى هادية كدة بس مش بعرف اصلى عصبية اوى وبتنرفز بسرعة
معظم صفات نفسك حلوة اوى بس لية القسوة؟؟؟
احلى حاجة عجبتنى فيك حبك لمجالك ودراستك دة اهم حاجة
وربنا يوفقك
وعلشاان انت حد جميل زى ما انا حاسة
فكل المشااريب اللى هتشربها فى مدونتى على حسابى الخااص ولا يهمك
نورتنى اوى ع فكرة يابتااع هند انت
سلاااااام
انت هادى فعلا بس مش انانى حتى وانت بتحب نفسك القسوه دى مش قسوه دى رقه قلب ومشاعر
وبعدين ابقى وطى صوتك وانت بتنادى يا نهار الناس صحيه هههههههههه
ربنا يوفقك يا رب
يادكتور اللى واخد عقلك بقى انا جاوبت على التاج دة قبليك احنا السابقون وانتم اللاحقون بقى بس انا مبسوطة جدا انك افتكرتنى فى الاهداء والله بجد اتبسطت جدا وبهنيك على صراحتك يادكتور وربنا معاك فى الكلية الصعبة خالص دى
تحياتى وتقديرى
كلامك عن نفسك موزون وجميل ..
عاجبنى فيك انك حابب كليتك ..
انما موضوع حبك للمذاكره ده عجب اوى ..
انت متأكد انك من كوكب الارض ؟! ..
بس مدونتك جميلة يا دكتور ..
اول زياره ليا هنا بس هبقى زبون ..
وعازمك على كوبايتين شاى فى مدونتى المتواضعه ..
تحياتى ..
أسامة أمين
عجبنى الاختصار المفيد
ربنا يوفقك ويحقق لك كل ماتتمنى
انا اول مرة ادخل عرفتك من دكتورة اجدع بنوتة اللى عرفتها من مروة الزارع اللى هى بنت عمى
ما علينا
انت بجد مواضيعك تححححححححفة
وشكلك طيب
وانا حبيتك
وانشاءالله نبقى زباين
يا عسلية
على فكرة
انا مدونة برضوا وعندى 12 سنة
بس مواضيعى مش هبلة زى ما انت متخيل
انا تفلة بدماخ داكتور
الا قولى هى داكتور دى شتيمة
د/اجدع بنوته
=================
خلاص هوطّي بس كان غرضي انك تسمعي
مبروك الحفله
يارافعه راسنا
الجواز و سنينه
=================
انا اللي بنده هيهيهيهيهي
لو ع المرتبه ممكن اجيبلك واحده حلوه تانيه غير دي
اصل دي بتاعتشي
واحدة مفروسة
==================
اه هدوء حد يقدر يقول غير كده
وعلي الملحوظات
انا سعيد انو شخصيتي عجبتك
ده يزيدني شرفا
mostafarayan
=================
الحمد لله اني دكتور ماتخيلتش نفسي غير كده بصراحه
سعيد بمرورك
:)
Darsh
=============
انت اللي زي العثل والله
وينكي
=========
شكرا ع مرورك
الستة بتوع صيدلة
=====================
انا جيت الحفله واخدت واجبي
تشكروا يا بنات
ليكوريكا
==========
مش بذمتك؟؟
نحب نفسنا بس برضه ماننساش الناس التانيين
أم أحمد المصرية
=================
لا من مصر بس ما بدققش اوي م كتر حبي فيها بغفرلها كل حاجه
maiosha
===========
اه دكتور
بحب الموزازاكره بس وقت الامتحانات مغصوب يا ميوشا
ميرو
=====
انا بهدووووء بس انت بصراحه بهدوووووووء عاقل جدا جدا
sa'7so'7te
=============
كانت الكليه هتشرف بيكي وبيكوا انتو السته
انا نفسي اما بشوف جريز اناتومي بعيط عشان الامكانيات اوووووووف
رئـــــيسـة حزب الأحلام
==========================
منوره كالعاده
دعاء مواجهات
================
بدل المشاريب ممكن نخليها غدا
ونجيب هند معانا
appy
=======
منوره
واسعدني رأيك جدا
فعلا بستني ردك م البوست للبوست
FaceMoon
===============
منوره يا قمر
انا من كوكب تاني معدي انشر افكار وراجع ع طول
شـمو نشـادر
===============
انا جاي اشرب الشاي بس ممكن كيك
monaliza
==============
منوره
وربنا يسمع منك
فيرجينيا
==========
انا م معجبي مروه واكيد انتي زيها برضه
ومنوره يا مدونه يا زوغيوره
ماشى يا عسلية
مفيش كوبايتين شاى
ولا هية عزومة مراكبية
ومنورين وخلاص
يدعوكم الجعرّ لجضور "الليلة الكبيرة" يوم التلات 27/5 إن شاء الله..التفاصيل عالمدونة.
صراحه انا بتخض من الجعر
كل ما اجى اعلق فى مدونه القى حضرته اخر تعليق
على العموم اجابات متميزة
محمد الشاعر
تاج هايل متفصل تمام
تحياتي
لوز يا دكتور
جاى تتكلم عن نفسك دلوقت ؟
اشمعنى ؟
عموما الكلام رقيق وحساس
هههههههه
بس خلاص
إرسال تعليق